మెగాస్టార్ చిరంజీవి నటించిన కౌబాయ్ చిత్రం కొదమ సింహం. ఈ చిత్రంలో రాధ, సోనమ్, వాణి విశ్వనాధ్ లు కధానాయికలు. రమా ఫిలిమ్స్ పై నటుడు, నిర్మాత కైకాల సత్యనారాయణ ఈ చిత్రాన్ని నిర్మించారు. ఈ చిత్రానికి కె మురళీమోహన్ రావు దర్శకత్వం వహించారు.
బాలీవుడ్ నటుడు ప్రాణ్ ఈ చిత్రంలో విలన్ గా నటించారు. రాజ్-కోటి స్వరపరచిన పాటలు ఇప్పటికి సంగీతాభిమానులను అలరిస్తూనే ఉన్నాయి. ఈ చిత్రంలో స్టార్ స్టార్…మెగాస్టార్ అనే పాట ఒక ఊపు ఊపింది
1990 లో విడుదలైన ఈ చిత్రం మంచి విజయం సాధించింది. ముఖ్యంగా చిరంజీవి కౌబాయ్ గెట్ అప్ లో అదిరిపోయాడు. ఈ కొదమ సింహం సినిమాని హుంటర్స్ అఫ్ ది ఇండియన్ ట్రెజర్ పేరుతో ఇంగ్లీష్ లోకి దుబ్ చేశారు.
ఈ కొదమ సింహం సినిమాను అధునాతన హంగులతో 4K లో ఈ నవంబర్ 21 న మళ్ళీ విడుదల చేయనున్నారు. దీనికి సంబందించిన ప్రోమో ను విడుదల చేశారు.