చిరు రికార్డ్‌ని స‌మం చేసిన బన్నీ..ఫిల్మ్‌ ఫేర్‌ అవార్డ్స్‌ విన్నర్స్‌ వీరే!

టాలీవుడ్‌లో ఎంతో ప్రతిష్టాత్మకంగా భావించే ఫిల్మ్‌ ఫేర్‌ అవార్డ్స్‌ (Film Fare Awards) 2026 పురస్కారాల వేడుక శనివారం రాత్రి కేరళలోని కొచ్చిలో అట్టహాసంగా జరిగింది. అంగరంగ వైభవంగా జరిగిన ఈ వేడుక‌లో 2024లో థియేట‌ర్ల‌లో విడుదలైన తెలుగు, తమిళ్, మలయాళ, కన్నడ చిత్రాలలో న్యాయ నిర్ణేత‌లు ఎంపిక చేసిన‌ ఉత్త‌మ చిత్రాల‌కు, నటీనటులకు, సాంకేతిక నిపుణులకు పురస్కారాలు అంద‌జేశారు. ఈ వేడుకల్లో 2024 ఏడాదికి గానూ ఉత్తమ నటుడిగా ఐకాన్ స్టార్ అల్లు అర్జున్‌(పుష్ప-2) అవార్డ్ అందుకోగా.. ఉత్తమ నటుడు క్రిటిక్స్ విభాగంలో యువ హీరో తేజ సజ్జా(హనుమాన్) అవార్డ్ దక్కించుకున్నారు. అయితే అల్లు అర్జున్ (Allu Arjun) ఈ అవార్డ్ అందుకోవడం ద్వారా ఆయన కెరీర్‌లో మొత్తం 7 ఫిల్మ్‌ఫేర్ అవార్డులు పూర్తయ్యాయి. యువ హీరోల్లో ఇన్ని ఫిల్మ్‌ఫేర్ అవార్డులు అందుకున్న నటుడిగా ఐకాన్ స్టార్ అగ్ర స్థానంలో నిలవడం విశేషం. ఇక ఈ అవార్డ్ ద్వారా ఫిల్మ్‌ఫేర్ అవార్డులో మెగాస్టార్ చిరంజీవిని అల్లు అర్జున్ సమం చేశారు. చిరు తన కెరీర్‌లో 7 ఫిల్మ్‌ఫేర్ అవార్డులు అందుకోగా, ఇప్పుడు ‘పుష్ప 2’తో వచ్చిన ఈ అవార్డుతో అల్లు అర్జున్ కూడా అదే మార్కుకు చేరుకున్నారు. కాగా, ఈసారి అవార్డుల్లో ఉత్తమనటిగా నివేదా థామస్(35-చిన్న కథ కాదు) అవార్డ్ అందుకోగా.. 2024లో ఉత్తమ సినిమాగా ‘పుష్ప-2’ చిత్రం అవార్డ్ దక్కించుకుంది.
ఇక ఉత్తమ దర్శకుడుగా సుకుమార్‌ ఫిల్మ్‌ఫేర్ అవార్డు అందుకున్నారు.

ఇక ఫిలింఫేర్ అవార్డులు పొందిన చిత్రాలు, నటీనటులు, సాంకేతిక నిపుణుల జాబితా పరిశీలిస్తే…

ఉత్తమ చిత్రం: పుష్ప 2: ది రూల్ (Pushpa 2)

ఉత్తమ చిత్రం (క్రిటిక్స్): లక్కీ భాస్కర్ (వెంకీ అట్లూరి)

ఉత్తమ దర్శకుడు: సుకుమార్ (పుష్ప 2: ది రూల్) Sukumar

ఉత్త‌మ‌ డెబ్యూ (ఫిమేల్) – నయన్ సారిక (గం గం గణేశ)

ఉత్త‌మ‌ డెబ్యూ (మేల్) – సందీప్ సరోజ్ (కమిటీ కుర్రోళ్లు)

ఉత్త‌మ‌ డెబ్యూ (డైరెక్టర్) – యధు వంశీ (కమిటీ కుర్రోళ్లు)

ఉత్తమ నటుడు (క్రిటిక్స్) – తేజ సజ్జ (హను మాన్) Teja Sajja

ఉత్తమ నటి (క్రిటిక్స్) : కాజల్ అగర్వాల్‌ (సత్యభామ) Kajal Agarwal

ఉత్తమ నటుడు – అల్లు అర్జున్ (పుష్ప 2: ది రూల్) Allu Arjun

ఉత్తమ నటి – నివేదా థామస్ (35 చిన్న కథ కాదు) Niveda Thomas

ఉత్తమ సహాయ నటుడు: అమితాబ్ బచ్చన్ (కల్కి 2898 AD)

ఉత్తమ సహాయ నటి: అంజలి (గ్యాంగ్స్ ఆఫ్ గోదావరి)

ఉత్త‌మ‌ మ్యూజిక్ ఆల్బమ్: దేవిశ్రీ ప్రసాద్ (పుష్ప 2)

ఉత్త‌మ‌ లిరిక్స్ – రామజోగయ్య శాస్త్రి (చుట్టమల్లె – దేవర)

ఉత్త‌మ‌ ప్లేబ్యాక్ సింగర్ (ఫిమేల్): శిల్పా రావు (చుట్టమల్లె – దేవర)

ఉత్త‌మ‌ ప్లేబ్యాక్ సింగర్ (మేల్): శ్రీకృష్ణ (కుర్చీ మడతపెట్టి- గుంటూరు కారం)

ఉత్త‌మ‌ కొరియోగ్రఫీ: శేఖర్ మాస్టర్‌ ( కుర్చీ మడతపెట్టి – గుంటూరు కారం)

ఉత్త‌మ‌ ప్రొడక్షన్ డిజైన్: రామకృష్ణ-మోనికా (పుష్ప 2), నితిన్ జిహానీ చౌదరి (కల్కి 2898 AD)