యంగ్ హీరో విశ్వక్ సేన్ కథానాయకుడుగా రామ్ నారాయణ్ దర్శకత్వంలో తెరకెక్కుతున్న తాజా చిత్రం ‘లైలా’. షైన్ స్క్రీన్ బ్యానర్పై సాహు గరపాటి ఈ సినిమా నిర్మించారు. రొమాంటిక్ కామెడీ డ్రామాగా తెరకెక్కిన ఈ చిత్రంలో విశ్వక్ సేన్ లేడీ గెటప్లో కనిపించనున్నారు.
ఫిబ్రవరి 14 వాలెంటైన్స్ డే సందర్భంగా ఈ మూవీ ప్రేక్షకుల ముందుకు రానుంది..
ఇప్పటికే ఈ సినిమా నుంచి విడుదలైన టీజర్, ట్రైలర్ సినిమాపై అంచనాలను పెంచేశాయి. కాగా, ఇటీవలే లైలా మూవీకి సెన్సార్ పనులు పూర్తవ్వగా.. కొన్ని బోల్డ్ సీన్స్ కారణంగా సెన్సార్ బోర్డు ‘ఏ’ సర్టిఫికెట్ జారీ చేసింది. ఇక ఈ సినిమా రన్టైమ్ విషయానికొస్తే.. 2 గంటల 16 నిమిషాలుగా ఈ సినిమా రన్టైమ్ను చిత్ర యూనిట్ ఫిక్స్ చేసినట్లు సమాచారం. మంచి రన్టైమ్తో వస్తున్న ఈ మూవీ యూత్ ఆడియన్స్ ను అలరించడం ఖాయమని చిత్ర బృందం ధీమా వ్యక్తం చేస్తున్నారు.
ఇక తనిష్క్ బాగ్చి, జిబ్రన్ సంగీత స్వరాలు సమకూరుస్తున్న ‘లైలా’ మూవీలో విశ్వక్ సేన్ కు జోడీగా అందాల భామ ఆకాంక్ష శర్మ నటిస్తోంది. వెన్నెల కిషోర్, రవి మారియా, హర్ష వర్థన్, బ్రహ్మాజీ, రఘు బాబు తదితరులు కీలక పాత్రల్లో కనిపించనున్నారు