ఇండియన్ ప్రీమియర్ లీగ్ లో భాగంగా ఢిల్లీ క్యాపిటల్స్, సన్ రైజర్స్ హైదరాబాద్ జట్ల మధ్య విశాఖపట్నం లో జరిగిన మ్యాచ్ లో ఢిల్లీ క్యాపిటల్స్ ఏడు వికెట్ల తేడాతో ఘన విజయం సాధించింది
164 పరుగుల విజయ లక్ష్యంతో బ్యాటింగ్ ప్రారంభించిన ఢిల్లీ క్యాపిటల్స్ కు ఓపెనర్లు జేమ్స్ ఫ్రేజర్ మెగ్ గుర్క్, డుప్లెసిస్ లు మొదటి వికెట్ కు 81 పరుగులు జోడించి మంచి శుభారంభాన్నిచ్చారు
డుప్లెసిస్ చెలరేగి పోయి ఆడాడు. కేవలం 27 బంతుల్లో, 3 ఫోర్లు, 3 సిక్సర్ల సాయంతో 50 పరుగులు చేసి అవుట్ అయ్యాడు. డుప్లెసిస్ అవుట్ అయినా కొద్దీసేపటికే 38 పరుగులు చేసిన జేమ్స్ ఫ్రేజర్ మెగ్ గుర్క్ కూడా అవుట్ అయ్యాడు
కె ఎల్ రాహుల్ 5 బంతుల్లో 15 పరుగులు చేసి అవుట్ అయ్యాడు. ఆ తరవాత వన్ డౌన్ లో వచ్చిన అభిషేక్ పోరెల్ 18 బంతుల్లో 34 పరుగులు, స్టబ్స్ 14 బంతుల్లో 21 పరుగులు చేసి అజేయంగా నిలిచారు
ఢిల్లీ క్యాపిటల్స్ లక్ష్యాన్ని 16 ఓవర్ల లో మూడు వికెట్లు పోయి 166 పరుగులు చేసి ఛేదించింది
సన్ రైజర్స్ హైదరాబాద్ బౌలర్ల లో జీషాన్ అన్సారీ మూడు వికెట్లు తీశాడు. ఢిల్లీ క్యాపిటల్స్ కోల్పోయిన మూడు వికెట్ లు ఐపీల్ లో మొదటి మ్యాచ్ ఆడుతోన్న జీషాన్ అన్సారీ ఖాతాలోకి వెళ్లాయి
అంతకు ముందు, టాస్ గెలిచిన సన్ రైజర్స్ హైదరాబాద్ జట్టు బ్యాటింగ్ ఎంచుకుంది
మొదట బ్యాటింగ్ చేసిన సన్ రైజర్స్ హైదరాబాద్ జట్టు 18.4 ఓవర్ల లో 163 పరుగుల కు అల్ అవుట్ అయ్యింది.
ఉగాది పండగ విషెస్ చెప్పిన ఆరంజ్ ఆర్మీ 37 పరుగులకే నాలుగు కీలక వికెట్లు కోల్పోయి పీకల లోతు కష్టాల్లో పడింది
పవర్ హిట్టర్ లు అభిషేక్ శర్మ ఒక పరుగు చేసి అవుట్ అవగా, ఇషాన్ కిషన్ రెండు పరుగులు చేసి అవుట్ అయ్యాడు. ట్రావిస్ హెడ్ 12 బంతుల్లో 22 పరుగులు చేసి అవుట్ అయ్యాడు. ఉగాది పండగ రోజు తెలుగు కుర్రాడు నితీష్ కుమార్ రెడ్డి డక్ అవుట్ అయ్యాడు
అనికేత్ వర్మ, క్లాసెన్ లు ఐదవ వికెట్ కు 77 పరుగులు జోడించాక 32 పరుగులు చేసిన క్లాసెన్ అవుట్ అవడంతో సన్ రైజర్స్ హైదరాబాద్ జట్టుకు కష్టాలు మరింత ఎక్కువయ్యాయి
అయితే ఒక వైపు వికెట్లు పడుతున్నా, మరో వైపు అనికేత్ వర్మ ధాటిగా ఆడుతూ 41 బంతుల్లో 74 పరుగులు చేసి కుల్దీప్ యాదవ్ బౌలింగ్ లో మెగ్ గుర్క్ పట్టిన అద్భుతమైన క్యాచ్ కు అవుట్ అయ్యాడు
ఢిల్లీ క్యాపిటల్స్ బౌలర్లలో మిచెల్ స్టార్క్ ఐదు వికెట్ లు తీయగా, కుల్దీప్ యాదవ్ మూడు వికెట్లు తీశాడు. మోహిత్ శర్మ ఒక వికెట్ తీశాడు
సన్ రైజర్స్ హైదరాబాద్ ఇన్నింగ్స్ లో ముగ్గురే ముగ్గురు రెండంకెల స్కోర్ చేశారు. విశాఖపట్నం లో జరుగుతోన్న ఈ మ్యాచ్ కి ఆంధ్ర ప్రదేశ్ మంత్రి లోకేష్ వచ్చారు